Renobacion di 11 miyon dollar di The Mill a inicia pa transforme den Marriott

Posted on 07/12/2017 9:33 pm AST | Updated on 07/12/2017 9:34 pm AST

ORANJESTAD – Manera cu NoticiaCla a anuncia recientemente, The Mill Resort recientemente a cambia di doño y tambe gerencia y hunto cune a inicia un proeso di renobacion. Den cuadro di esaki e mandatario di turismo Mike de Meza a bishita e hotel, y topa cu entre otro e gerente Willie Chin recientemente. Ta trata di un renobacion di entre 11 pa 12 miyon dollar, y ta inclui lobby te cu e cambernan, pool y restaurant .

MARRIOTT COURTYARD

Manera cu e portal aki a anuncia tambe, The Mill Resort a anuncia cu nan lo ta un Marriott Courtyard y esaki Minister de Meza ta haya cu algo positivo. Esaki ta bin pa motibo cu Marriott ta un cadena renombra y rond mundo ta haya e hotel. Ta mira cu bishitantenan tin hopi confiansa den Marriott. Tin diferente clase di hotel y resort, cual The Mill Resort lo bira un Marriott Courtyard unda cu nan lo bay ta na e nivel di 4 strea. Fuera di e Marriott nan existente, tin 2 otro caminda pafo di area di highrise cu tin plan pa bin cu un otro clasificacion di Marriott. Minister de Meza ta sumamente contento y e ta un parti strategico di Aruba, unda cu e tin un cantidad di inversion haci na Aruba.

  • KVK: Gobierno baha bo gasto prome cu aumenta salario minimo

    KVK: Gobierno baha bo gasto prome cu aumenta salario minimo

    ORANJESTAD – Prome cu gobierno kier pensa di aumenta salario minimo, e mester pone baha su gastonan prome. Esey ta e prome reaccion di presidente di Camara di Comercio Ernst Mohamed riba e anuncio di minister di Labor Glenbert Croes cu kier aumenta salario minimo, considerablemente. Segun Mohamed, no ta cuestion cu no kier aumenta salario minimo, pasobra e tambe ta kere cu tur hende merece un miho calidad di bida. Pero mester tin un poder di compra bon. Pero Camara di Comercio kier pa e minister contesta algun pregunta prome, cu tuma e paso menciona. Entre nan, ki dia kier introduci e cambio, cu cuanto e cambio mester ta, y si a investiga e impacto di e cambio aki.

  • RDA: Slowdown CITGO no ta afecta ningun stacion di gasoline

    RDA: Slowdown CITGO no ta afecta ningun stacion di gasoline

    ORANJESTAD – Refineria di Aruba (RDA) ayera despues di e anuncio di CITGO riba nan ‘slow down’ di rehabilitacion di e refineria, a sigura cu “e noticia aki no tin ningun efecto ariba e operacion di Fuels Marketing & Supply Aruba N.V. (FMSA), ni tampoco e ta afecta ningun stacion di gasolin”. FMSA ta e distribuidor principal di combustibel ariba nos isla, tanto pa stacionnan di gasolin, companianan local, WEB Aruba N.V. y Aeropuerto. “RdA como ejecutivo di e propiedadnan di refineria lo mantene comunidad di Aruba al tanto di cualkier informacion adicional” e comunicado ta sigui bisa.

  • Interpark Coney Island ta sigi na Aruba cu orario nobo

    Interpark Coney Island ta sigi na Aruba cu orario nobo
  • Delegacion CITGO na caminda pa Aruba pa duna informacion

    Delegacion CITGO na caminda pa Aruba pa duna informacion

    ORANJESTAD – Tin un delegacion di CITGO di Merca na caminda pa Aruba pa papia cu e.o. Gobierno di Aruba proximamente. Mientras cu no a duna un fecha exacto pa e bishita tuma lugar, prome minister Evelyn Wever Croes a confirma e informacion di e bishita e siman aki. E bishita tin cu duna hopi claridad riba e situacion actual di e refineria. Segun Wever, gobierno ta ocupa cu dos trayecto riba e situacion di CITGO. Entre nan via un comision huridico a keda institui pa analisa e aspecto legal pa conseha gobierno su opcionnan pa cu e deal. E otro trayecto ta e adquisicion di e informacion necesario cu ainda falta manera kico ta e compromiso y inversionnan cu CITGO tin pensa di haci y lo a priminti.

  • EcoGas riba frontpage di revista internacional

    EcoGas riba frontpage di revista internacional

    ORANJESTAD - E prestigioso revista "Business View Caribbean" pa su edicion di December 2017-Januari 2018 a dedica atencion special, riba su frontpage na e compania EcoGas di Aruba. E revista ta sali mensualmente na Merca, Canada, den Caribe y Oceania. Den Caribe so e tin mas di 30 mil abonado y ta lesa pa e ehecutivonan cu mas influencia den tumamento di decisionnan importante den e region Caribense. Su forsa ta cu e ta publica storianan real di exito di e companianan di mas influencia y cu ta haci un diferencia, considera como e berdadero lidernan den negoshi den Caribe.

  • Aruba Bank a introduci nan self service area na Hato

    Aruba Bank a introduci nan self service area na Hato

    ORANJESTAD - Aruba Bank a introduci su servicionan nobo y a habri nan Self Service Area na e sucursal na Hato. Awor na Aruba Bank cu e Smart Deposit Machine bo por haci bo pago di credit card, deposita cash, check local y haci tur bo pagonan di utilidad (WEB, ELMAR, SETAR). E Smart Deposit Machine aki ta elimina tempo di warda y ta haci e transaccion mas placentero.

  • Powered by SETAR