Ministernan di husticia di Caribe Hulandes kier revalua tarea di RST

Ministernan di husticia di Caribe Hulandes kier revalua tarea di RST

Posted on 07/12/2017 11:46 am AST | Updated on 07/12/2017 9:04 pm AST

DAWN BEACH - Ministernan di husticia di Caribe Hulandes kier revalua tarea di RST. Asina e corant di St Maarten Daily Herald ta raporta. Nan ta referi na e reunion bi-annual entre ministernan di husticia di Reino. E reunion tabata e siman aki na St Maarten entre ministernan Blok (Hulanda), Dowers (Aruba), Boasman (St Maarten) y Girigorie (Corsou).

SITUACION RST

Segun e corant, tabata na januari ultimo durante e ultimo reunion conoci como JVO, cu Hulanda tabata kier mas cooperacion di e islanan, specialmente St Maarten pa duna RST mas autonomia. St Maarten a rechasa e idea y a pospone e topico te e reunion aki. E biaha aki riba e teman, e tres ministernan di husticia di Caribe Hulandes (Aruba, St Maarten y Corsou) tabata di acuerdo cu e funcionamento di RST mester ta mas un tarea conhunto. A mustra cu RST ta haciendo un bon trabou, pero no mas mester mira e plachi mas grandi. “Nan t'ey pa sosten y no mester crea un bashi si nan no t'ey”. Otro topiconan discuti tabata e compartimento di informacion di DNA entre islanan. Algo cu Corsou a nenga di firma, debi cu nan leynan riba e tema no ta mescos cu e otro islanan. E proximo reunion hudicial ta na januari na 2018 na Corsou. Foto cortesia Daily Herald St Maarten. 

  

 

  • Parke solar STUCO oficialmente habri na St Eustatius

    Parke solar STUCO oficialmente habri na St Eustatius

    ORANJESTAD - E parke solar di STUCO  a keda habri awe pa e representante di Reino Hulandes  Mr. Gilbert Isabella, STUCO CEO Mr. Fred Cuvalay y comisionado di Energia Mr. Derrick Simons.

  • Gabinete Marlin II a entrega retiro na St. Maarten y ta bay eleccion

    Gabinete Marlin II a entrega retiro na St. Maarten y ta bay eleccion

    HARBOUR VIEW- Gabinete Marlin 2 a entrega nan retiro na gobernador Eugene Holiday y a entrega un carta, cu e fin pa disolve parlamento y yama eleccion pa januari 2018. Asina e portal di St. Maarten, Daily Herald ta raporta. Gobernador Holiday a confirma cu el a ricibi e carta di retiro y ta confirma cu e retiro ta basa riba e mocion di desconfiansa pasa pa parlamento di dia 2 di november. El a acepta e peticion di retiro, pendiente e formacion y instalacion di un gobierno interino. Mes momento Holiday a ricibi un decreto nacional pa yama eleccion nobo y disolve Parlamento pa fin di januari 2018. Potret ta cortesia Daily Herald. 

  • Parlamento di St Maarten a manda prome minister Marlin cas!

    Parlamento di St Maarten a manda prome minister Marlin cas!

    PHILLIPSBURG – Parlamento di St Maarten a manda gobierno di e isla cas diahuebs. Por lo menos e prome minister William Marlin y algun otro minister a wordo retira cu un mocion di desconfiansa.”No ta mucho cla kico t'ey sosode awor. Mi ta bay studia e situacion awor” secretario di estado Hulandes pa asuntonan di Reino Raymond Knops a declara despues. No ta sigur si lo forma un gobierno nobo of si ta bin eleccion nobo aki tres luna. Tampoco ta sigur si e coalicion ‘nobo’ si lo ehecuta e mocion di e parlamento ‘nobo’ cu si ta aproba e condicion cu Hulanda a pone pa St Maarten haya ayudo financiero pa reconstruccion di e isla despues di e dos horcannan cu a pasa recientemente y destrosa e isla. E dos condicionan ta instalacion di un camber di integridad y cu Hulanda kier tuma e control di frontera over. Foto cortesia John Samson.  

  • OM: No ta persigui parlamentario Van Putten penalmente

    OM: No ta persigui parlamentario Van Putten penalmente

    ORANJESTAD - Ministerio Publico (OM) BES a dicidi cu no ta start un investigacion penal relaciona cu e declaracionnan di politico di Sint Eustatius, Clyde van Putten. E declaracionnan cu el a haci na Corsou dia 9 di october 2017. Fiskal Mayo di OM BES a dicidi esaki y a pone mientrastanto e denunciante na altura di e decision.

  • Coalicion den Parlamento na St Maarten ta rebeldia contra Marlin

    Coalicion den Parlamento na St Maarten ta rebeldia contra Marlin

    PHILIPSBURG – Gobierno di St Maarten a bay di acuerdo cu Hulanda pa acepta e ayudo financiero, door di acepta e condicionan stipula pa Hulanda. Esaki a keda participa dialuna durante un conferencia di prensa di prome minister William Marlin. Su gobierno a bay di acuerdo pa cambia e ley di camber di integridad door di nombra un miembro di Hulanda den e camber, banda di 2 di St Maarten. Ademas ta laga marechausee yuda cuida e frontera di e isla. Di otro banda, den parlamento a surgi un rebuelto ora cu un grupo di e coalicion actual a uni di cierto forma cu e por bira un posibel coalicion nobo. Varios di nan a firma un acuerdo ayera, considerando un cambio di signatura di gobierno. Cierto medio na Corsou a te hasta bay asina leu di bisa cu gobierno di St Maarten a cay. E problema a cuminsa diabierna ora cu presidente di parlamento y miembro di coalicion Sarah Wescot Williams a protesta e actuacion di premier Marlin, y menasa di retira sosten na e gabinete. Pa esey ela haya sosten di otro partido y su miembro Chanel Brownbill (USp). E situacion actual ta poco confuso na e isla, aunke cu ta papia di un crisis evita.

  • Posibel crisis den gobierno na St Maarten pa motibo di ayudo for di Hulanda

    Posibel crisis den gobierno na St Maarten pa motibo di ayudo for di Hulanda

    PHILIPSBURG – Tin un crisis na caminda den gobierno di St Maarten. Asina partner di noticia di NoticiaCla, Caribisch Netwerk ta raporta. Presidente di parlamento Sarah Wescot-Williams ta menasa di retira su sosten na e coalicion di National Alliance (NA), United St. Maarten Party (USP) y Democratic Party (DP). E president ta protesta cu e gabinete ta cerando e porta pa ayudo financiero di Hulanda, y den esaki particularmente prome minster Marlin.

  • Powered by SETAR