AVP a retira nan participacion di debate di millennials

AVP a retira nan participacion di debate di millennials

Posted on 07/12/2017 12:35 am AST | Updated on 07/12/2017 2:38 am AST

ORANJESTAD – Partido AVP a dicidi cu nan no ta participa na e debate di diahuebs proximo. Asina NoticiaCla a haya confirma di personanan den e organisacion berde. Motibo ta cu e organisacion di e debate di millennials no ta dispuesto pa tuma Gerlien Croes como e candidato pa representa e partido diahuebs awor. E partido mientrastanto a yama un conferencia di prensa pa diaranzon mainta na Cas di Partido unda cu lider di partido Mike Eman y candidato Gerlien Croes lo ta presente. No a logra haya contacto cu e organisacion di e debate pa wak nan punto di bista riba e tema. E debate ta programa pa tuma lugar diahuebs anochi awor. Ta conoci cu e organisacion a laga sa cu tur lider a confirma nan participacion. Pero awor ta parce cu partido AVP no kier a manda nan lider mas sino Gerlien Croes pensando cu e ta representa e grupo di millenials cu por vota. Keda pendiente pa mas informacion.

  • Anuncio: Eleccion pa Parlamento di Aruba

    Anuncio: Eleccion pa Parlamento di Aruba

               (ANUNCIO)

  • Partido MEP a colecta placa y topa riba Plaza Starke

    Partido MEP a colecta placa y topa riba Plaza Starke

    ORANJESTAD - Partido MEP no a logra tene su parada awe, pero a opta e ora pa bay campaña, y recauda fondo pa dos meta. Na final di e dia, e militancia y candidatonan a topa riba Plaza Starke (tereno dilanti DIMAS) na Playa y a haci entrega di e sumanan corespondiente. Na tur a entrega casi 10 mil florin na placa na Cruz Cora (pa St Maarten) y Pasadia Briyo di Solo. A logra recauda na fondo total pa donate 8500 na Rode Kruis y 8900 na Brillo di Solo. NoticiaCla a capta un momento ora cu tur candidato tabata riba tarima pa gradici tur cu a yuda. Diaranson MEP ta tene nan ciere di campaña. 

  • Partido RED a cera su campaña electoral 2017

    Partido RED a cera su campaña electoral 2017

    SAVANETA - Partido RED a tene clausura di nan campaña diadomingo atardi/anochi na Aruba Reef na Savaneta. Mes momento a combina esaki cu e cumpleaños di e lider di e partido Ricardo Croes. Croes a splica con a bay cu e campaña 2017. 

  • Partido POR a tene su parada politico diasabra anochi

    Partido POR a tene su parada politico diasabra anochi

    ORANJESTAD - Partido POR a tene su parada politico diasabra anochi. Tur districto na Aruba a wordo ilumina diasabra anochi y cu e respet cu sostenedornan di POR a sa di demostra na tur momento den y pa comunidad. A finalisa e parada na e actividad di colega Allan Howell na Mabon cu un publico grandi y un ambiente fenomenal. A gradici tur hende pa nan bon comportacion y cooperacion, no diasabra anochi so, pero henter e periodo di campaña. Un campaña ehecuta na forma diferente den tur aspecto y semper poniendo preocupacion di comunidad como prioridad.

  • Partido AVP a tene su parada di auto rond di Aruba

    Partido AVP a tene su parada di auto rond di Aruba

    ORANJESTAD - Partido AVP a tene su parada diadomingo, cu a inicia na Cas di Partido na Playa y termina na Carnival Village na San Nicolas. E parada a cuminsa pa 9'or y a dura practicamente henter dia pa por a cubri un ruta cu a keda traha pa pasa riba gran parti di Aruba. Mientras cu no a conta e cantidad di auto (informacion inoficial tabata circula di 900 auto, pero e portal aki no por a confirma), NoticiaCla a core e ruta y dado momento e cabez tabata na e rotonde di ex Drive Inn, mientras cu e rabo tabata algo pabou di e rotonde di Paradera, bumper to bumper. Notabel tabata cu na varios parti riba e pida ey, tabatin hendenan sinta banda di caminda, tanto di partido AVP como di partido MEP. Segun polis a informa e portal aki, te cu atardi 5'or no a registra ningun incidente relaciona cu e parada. Tambe contrincantenan politico tabata comporta nan mes hopi bon mes, manera cu e portal aki mes tabata testigo di dje. MEP, despues di a perde e caso den corte e siman cu a pasa pa tene nan parada, a opta pa drenta pueblo y campaña y despues tene nan evento grandi na Playa (otro articulo), y RED a celebra e cumpleaños di nan lider (otro articulo). Partido POR a tene nan parada un anochi prome (otro articulo). Fotonan ta original di NoticiaCla y ta cubri mayoria di e candidatonan di e partido berde. 

  • Ruta di parada politico di partido POR di awe nochi

    Ruta di parada politico di partido POR di awe nochi

    ORANJESTAD – Awe tardi partido politico POR ta tene nan parada di anochi, considera como un parada di luz di auto. E ta cuminsa pa 6’or di atardi na centro di partido POR na Noord dilanti Frans Figaroa y caba na Mabon na cas di miembro di partido Allan Howell. Esaki ta e ruta di e parada di e partido.

  • BDC2
  • Powered by SETAR