Programa di television riba Natalee Holloway cu informacion nobo

Programa di television riba Natalee Holloway cu informacion nobo

Posted on 07/11/2017 11:53 am AST | Updated on 07/11/2017 4:22 pm AST

NEW YORK – Diesdos aña despues cu e dama Mericano Natalee Holloway a disparce na Aruba, un programa nobo lo keda estrena riba television mericano cu e tema aki. Su tata Dave Holloway nunca no a para e buskeda y 12 aña despues e ta kere cu e tin e informacion mas recien y credible. A base di e serie di crimen di e canal Oxygen, “The Disappearance of Natalee Holloway,”  e programa lo sigui Dave y TJ Ward, e investigador priva contrata pa e tata, pa bin cu detaye di e caso. E programa, cu ta keda lansa na augustus, ta uno nobo y ta uza e caso di Aruba como su programa piloto. E programa nobo ta cuminsa dia 19 di augustus y ta e programa piloto. Foto cortesia AP. 

  • Presidente di CITGO Petroleum deteni na Venezuela pa corrupcion

    Presidente di CITGO Petroleum deteni na Venezuela pa corrupcion

    CARACAS - Autoridad Venezolano a desmantela un posibel clan di corupcion cu ta involucra hefenan halto di e filial di PDVSA, esta   Citgo Petroleum Corporation cu lo a solicita un fiansa sin autorisacion di e ehecutivo nacional. Asina  Fiscal General di Venezuela, Tarek William Saab a declara den un conferencia di prensa y cu a keda publica riba e portal nacional di informacion di e pais VTV (Venezolana de Television). A cera contracto di hasta 4 mil miyon di dollar, uzando CITGO como garantia 'comprometiendo e patrimonio di e Republica'. 

  • Aruba den top 10 destinacion internacional pa biaha pa Thanksgiving

    Aruba den top 10 destinacion internacional pa biaha pa Thanksgiving

    NEW YORK - Aruba ta den e top 10 destinacionan internacional pa Mericanonan biaha pa pasa nan 'Dia di Gracia', osea Thanksgiving e aña aki segun e portal Travel Weekly. Nan ta basa nan mes riba cifra di e Asosacion mericano renombra di biahe AAA. Otro 9 destinacionan ta Cancun, London, Paris, Puerto Vallarta, Tokyo, San Jose Del Cabo, Montego Bay, Roma, Nassau (Bahamas). AAA ta proyecta cu por lo menos 50.9 miyon Mericano lo biaha por lo menos 5 50 miya entre 22 pa 26 di november, cu ta e volumen mas halto di biahe desde 2005. Compara cu aña pasa, 1.6 mas mericano lo biaha pa e fechanan aki, cu ta un aumento di 3.3%. 

  • CDC: Aruba ainda entre paisnan den Caribe riba lista di riesgo pa Zika

    CDC: Aruba ainda entre paisnan den Caribe riba lista di riesgo pa Zika

    MIAMI – Aruba ta riba lista di paisnan den Caribe cu tin riesgo pa e malesa di Zika. Asina e centro Mericano pa control di malesa (CDC) ta bisa. A alerta damanan na estado pa evita islanan afecta pa horcan manera Anguilla, Antigua and Barbuda, Bahamas, the British Virgin Islands, Cuba, Dominica, Republica Dominicano , Guadeloupe, Haiti, Martinique, Puerto Rico, Saint Barthelemy, Sint Maarten, Turks and Caicos y US Virgin Islands pa motibo di e malesa basa riba muskita manera Zika, Dengue, y Chikungunya.

  • Bloomberg: Segun S&P, Venezuela ta den 'default' pa pago di debe

    Bloomberg: Segun S&P, Venezuela ta den 'default' pa pago di debe

    NEW YORK/CARACAS – E reunion dialuna di e creditornan Venezolano a dura apenas 30 minuut y no a logra nada concreto. Asina e portal financiero Bloomberg ta raporta. Segun e portal, pa haci cos mas pio, e agencia di rating S&P Global Ratings a declara e pais ta den ‘default’, pues cu nan no a cumpli cu nan obligacionnan financiero. Fitch Ratings a cita cu e compania estatal PDVSA a faya cu su pagonan. E reunion a tuma lugar na Caracas, unda cu menos di 100 creditor a aparece na e reunion na e capital.

  • Union Europeo lo impone sanccion contra gobierno Venezolano

    Union Europeo lo impone sanccion contra gobierno Venezolano

    BRUSSEL/CARACAS (ANP/BLOOMBERG) – Union Europeo (UE) ta bay impone sanccion contra gobierno Venezolano. Segun fuentenan na UE, Europa kier eherce presion riba Maduro pa papia seriamente cu oposicion, libera presonan politico, permiti ayudo humanitario y tene eleccionan honesto pa mehora e prospecto. E ministernan encarga di e paisnan di UE lo bin hunto dialuna y vota pa e maneho di sanccion. Pa cuminsa, lo bin un embargo contra arma y posiblemente un embargo contra electronica, cu ta algo cu e regimen di Maduro ta uzando pa oprimi oposicion.

  • A desmantela banda na Venezuela cu kier a bende material pa Aruba

    A desmantela banda na Venezuela cu kier a bende material pa Aruba

    CARACAS – Autoridad Venezolano a desantela dos banda criminal cu tabata encarga cu horta y transporta material strategico pa Aruba y Corsou. Ta trata di 2 banda di 14 persona, cu den e caso aki kier a trafica 234 kilo di material cu lo a traslada y comercialisa pa Aruba y Corsou.

  • Powered by SETAR