Afpakteam di Aruba ta pone beslag riba dos cantidad grandi di placa

Afpakteam di Aruba ta pone beslag riba dos cantidad grandi di placa

Posted on 07/10/2017 11:47 am AST | Updated on 07/10/2017 9:25 pm AST

ORANJESTAD – Recientemente Afpakteam di Aruba a pone beslag riba dos suma bastante grandi di cen. Asina vocero di ministerio publico Ann Angela a confirma awe mainta pa NoticiaCla.

HAF DI BARCADERA

Den haf di Barcadera a tuma beslag riba un suma di mas cu 14.000 Dollar durante un accion di control di Aduana contra arma y droga. Durante e control aki, dos tripulante di un barco a wordo listra. Nan no a haci aangifte na Aduana di e placa cu nan tabatin cu nan, y nan no tabata tin intencion tampoco pa haci esaki. Den cooperacion estrecho cu KPA y Aduana e suma di placa a wordo tuma den beslag bou guia di Ministerio Publico. Ambos tripulante a wordo deteni, como tambe e capitan di a barco. Nan ta wordo sospecha di labamento di placa. E investigacion ta continua.

BURACHE CU PLACA

Den e di dos caso un sospechoso a wordo deteni pa via di buracheria den publico. Ora cu ela wordo listra, a topa cu 6.500 florin y 4.895 dollar. E sospechoso tabata ilegalmente na nos isla y tabata aki poco tempo. Tin varios sospecho contra dje y ademas e no por a duna ningun splicacion concreto y verificabel tampoco tocante di unda e placa a bin. Ela tuma afstand mes ora di e placa cu a wordo tuma den beslag cerca dje.

E afpakteam ta un cooperacion di Ministerio Publico, Cuerpo Policial di Aruba, Aduana, FIOT (Fiscale inlichtingen- en opsporingsteam) di DIMP (Departamento di Impuesto), FIOD (Fiscale Inlichtingen- en Opsporingsdienst), KMar (Koninklijke Marechaussee), Kustwacht di Aruba, MOT (Meldpunt Ongebruikelijke Transacties y RST. E Afpakteam ta ocupa su mes cu combati criminalidad financiero economico. Crimen no mag di paga! Riba prome di maart di e aña aki, Afpakteam a cuminsa traha.

Si bo persona por sa di señalnan di labamento di placa, bo por acerca Afpakteam via mail na afpakteam@kparuba.com of via tiplijn na 11141.

  • Sospechosonan deteni relaciona cu investigacion di arma di candela ilegal

    Sospechosonan deteni relaciona cu investigacion di arma di candela ilegal

    ORANJESTAD - Den cuadro di un investigacion di armanan di candela ilegal, tabatin un huiszoeking den un cas na Caya Butishi riba 14 di november 2017, bou guia di fiscal y hues-comisario. Arrestatieteam (AT) a detene dos persona den e cas. Durante e huiszoeking varios cos a wordo tuma den beslag. Polis a haya sosten di miembronan di AT, di K9-unit, di ME (Mobiele Eenheid) y un search team di Korps Mariniers. E investigacion lo sigui y ta den man di recherche di Santa Cruz.

  • Huez-comisario ta alarga y suspende detencion di Croes

    Huez-comisario ta alarga y suspende detencion di Croes

    ORANJESTAD - Huez-comisario den e casonan penal na Corte di Prome Instancia di Aruba a dicidi awe pa alarga detencion preventivo di e sospechosonan P.T.F. Croes y R.A. den e caso Ibis cu 30 dia. Riba peticion di Ministerio Publico, huez-comisario a suspende detencion di e sospechoso R.A. Ademas huez-comisario a dicidi pa suspende detencion di Croes riba peticion di su defensa. Croes ta sospecha di a haci su mes culpabel di echonan castigabel hopi grave: 'ambtelijke omkoping' (pasivo), malversacion, labamento di placa, falsificacion y 'mensensmokkel'. E schorsingnan ta bou di condicion estricto. Ambos sospechoso no mag di tin contacto directo, ni indirecto cu e testigonan y cu e otro sospechosonan den e investigacion Ibis. Ministerio Publico ta mustra enfaticamente cu e decisionnan di huez-comisario ta solamenta pa trata e detencion di e sospechoso y no e caso penal riba su mes. Huez-comisario a confirma awe atrobe cu ta existi e acusacionnan serio contra Croes y A. E investigacion Ibis lo continua y Croes ta sigui como sospechoso. E plan ta pa finalisa e dossier na maart 2018, despues di cual lo por tin e 'regiezitting' na april 2018.

  • Minister demisionario Paul Croes ta recobra libertad 5'or awe

    Minister demisionario Paul Croes ta recobra libertad 5'or awe

    ORANJESTAD. - Minister demisionario Paul Croes ta recobra su libertad awe tardi 5'or. Abogado Marije Vaders a confirma esaki pa noticiacla. Keda pendiente 

  • OM: No tin detencion ainda den caso di asesinato di Sarahi Sierra

    OM: No tin detencion ainda den caso di asesinato di Sarahi Sierra

    ORANJESTAD – Diasabra awor famia y e conocirnan ta hiba e dama hoben Sarahi Sierra pa su ultimo lugar di sosiego. Mientrastanto e informacionnan cu NoticiaCla a logra acumula awe for di Ministerio Publico, ta trece algun claridad, aunke no hopi. Mientras cu a interoga basta hende, incluyendo famia y bisiña, no tin ningun hende deteni relaciona cu e caso. E investigacion conduci pa e patologo di Corsou siman pasa diadomingo, a produci material cu a manda Hulanda pa Nederlands Forensic Institute (NFI). “Esaki ta bay tuma tempo. Nos ta warda NFI pa duna nos e resultadonan” vocero di ministerio publico Ann Angela a bisa NoticiaCla.

  • Autoridad a kita limitacion poni pa Minister demisionario Paul Croes

    Autoridad a kita limitacion poni pa Minister demisionario Paul Croes

    ORANJESTAD – Autoridad a kita e ‘limitacion’ poni pa Minister demisionario Paul Croes awe tardi. Vocero di Ministerio Publico, Ann Angela, a confirma esaki pa NoticiaCla diaranson atardi laat. Esaki ta significa cu entrante awor, e por tin bishita y por volg media (wak tv, scucha radio, lesa corant) segun Angela. Otro siman hues comisario ta determina si ta suspende e detencion di 60 dia. E fecha cu e detencion ta poni pa vence awor ta dia 16 di november. Ministerio publico a bisa e siman aki na e portal aki cu nan lo pidi pa prolonga su detencion cu 30 dia mas.

  • Contrabandistanan di fuel a haya golpi fuerte di Afpakteam

    Contrabandistanan di fuel a haya golpi fuerte di Afpakteam

    ORANJESTAD - Afpakteam conhuntamente cu varios otro instancia, manera Cuerpo Policial di Aruba, Aduana y Kustwacht, a haci invalnan na diferente adres na Aruba ayeranochi y a detene seis persona. Na varios lugar a haya un cantidad bastante grandi di fuel ilegal, cual a wordo tuma den beslag. Tambe a tuma un speedboat go-fast y e tres vehiculonan cu tabata wordo usa den e contrabanda aki den beslag pa Afpakteam.

  • Powered by SETAR