(ADVERTORIAL)
ORANJESTAD – Renaissance Aruba Resort & Casino ta anuncia e reapertura di LG Smith’s Steak & Chop House ofreciendo un experiencia eleva pa bo dinner cu ta inclui un concepto di brunch nobo tambe, cocktailnan signatura exclusivamente crea pa LG Smith’s y cu ta accentua elementonan manera tera, candela y awa. Ademas, ta inclui un lista extenso di biña selecta for di varios parti di mundo. E interior di LG Smith’s tambe a conoce un cambio, awor cu un look mas moderno y ‘upscale’ pa asina refleha e localidad cu e restaurant ta ubica den dje, ofreciendo cada bishitante un experencia unico pa disfruta di nan cocktail y dinner, cu e mihor musica admirando asina e marina y boulevard.
Considera como un top restaurant na Aruba, LG Smith’s Steak & Chop House ta conoci pa su certificacion USDA, su ‘aged-prime steaks’ y varios otro specialidatnan cu ta inclui e famoso ‘rack of lamb’ y nan seafood fresco cumpra na Aruba mes. E restaurant a agrega algun entrada nobo, plato principal y dessert riba nan menu. A demostra aprecio na cliente, dor di agrega algun di nan platonan faborito pero den un concepto nobo, moderno y cu un ‘twist’ Mericano. E ‘Chef’s favorite’ a ser selecciona personalmente pa LGS su Chef, entre nan e ‘Foie Grass Duo’ of ‘Steak Tarter’, como entrada of e plato principal ‘Wagyu Tenderloin’ y pa dessert e fenomenal ‘The Dome’. Tur plato a ser crea cu e meta pa accentua e sabor di cada ingrediente haciendo asina e carni of e seafood, e ‘highlight’ di cada plato. E concepto nobo di e LGS su Sunday Brunch ta ofrece cada bishitante e oportunidad di purba e menu A-la-Carte den e concepto di ‘all you can eat’ presentando e platonan den un version di tapas cual ta e manera ideal pa purba e entradanan friu of cayente, e sopi, salada y finalmente e dessert.
Adaptando completamente na e tendencia di ‘craft cocktails’, L.G. Smith’s su experto den mix drinks a crea algun cocktail nobo pensando riba elementonan: Awa, Candela, Huma, Tera i Humedad (Mist). Cada cocktail a keda crea cu dedicacion pa perfeccion y a incorpora juicenan organico manera, Aruba su aloe, premium whiskey, bourbon, gin, port y cognac; ademas ta agrega algun otro ingredientenan, manera lavender, sage, y sweet bay leaf- entre otro. ‘The Mist’ ta un cocktail hopi complica, e ta e version rico y zoet di un biña cora, mientras cu e ‘Smoke’ ta ofrece un sabor abundante di bourbon i ta keda accentua cu e huma di bacon, e ‘Fire’ ta un cocktail delicado accentua cu tokenan di creme brulee. E presentacion inespera di cada cocktail ta locual ta hiba e bebidanan na e nivel mas halto uzando e ultimo tecnica den mixologia moderno.
Adicional na e cocktailnan nobo, L.G. Smith’s ta presenta un seleccion amplio di ‘L.G. Smith’s Cocktails’ manera e clasico Grey Goose martini, Cosmopolitan, Bellini, Gin, aged Whiskey, Cognacs y un seleccion amplio di siga Cubano. Cu mas di 120 diferente biña pa scoge y cu ta varia entre biña core y blanco- facilmente cada un por ser selecta y combina cu cualke plato na LGS. “Durante e ultimo aña aki nos a inverti den desaroyo di e resort su programa di ‘food and beverage’ y L.G. Smith’s ta un bon ehempel di e calidad di gastronomia y servicio cu nos a bin ta ofrece na cada bishitante”, di acuerdo cu Sr. Paul Gielen, gerente general di Renaissance Aruba Resort & Casino. “E idea tras di e cambio y reapertura di L.G. Smith’s Steak & Chop House ta pa combina e mentalidad di un ‘steak house’ y banda di esaki introduci un ambiente moderno di nivel halto.
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.