ORANJESTAD - Manera informa diasabra mainta den conferencia di prensa, minister Paul Croes y su abogado Marije Vaders ta lamenta cu no por a haya e informacion necesario ainda di ministerio publico (OM) pa por prepara nan defensa bon contra e cargonan cu tin contra Croes. Apenas 15 pagina di informacion no relevante ta loke nan tin. "Nos no a yega leu, nos ta na mes caminda. Nos no por prepara nos defensa" Vaders a bisa. P'esey e ta argumenta cu bida tin cu sigui y cu Croes mester continua cu su parti politico. Claro cu e no ta bay stroba e investigacion y haci cosnan cu por stroba e investigacion. Loke e abogado ta cuestiona ta si su cliente por haya un proceso husto.
KIER FABRICA ALGO CONTRA CROES?
Sospecho ta cu OM ta buscando algo den su contra den e aña politico pa por 'fabrica' algo. " Ta prome biaha cu mi a experencia algo asina, un caso sumamente diferente, no normal" e abogado a sigui bisa. Berdad tin un lapso di tempo cu e investigaciion mester keda cla, sino e cliente mester wordo sea absolvi of seponeer of declar'e no sospechoso mas. Pero e tactica di OM ta pa cada bes bin cu algo cada pasa tempo, pa alarga e investigacion. Algo cu huesnan ta permiti y cu OM ta probecha di dje awor.
OM TA ACTUA CADA BEZ PAUL CROES PAPIA
Berdad ta cu cada bes cu Croes bisa algo publicamente, OM ta bin dilanti algun rato despues cu sea un detencion mas of informacion riba e caso. Como tal nan lo no ta sorprendi si despues di e conferencia di diasabra, OM bin cu algo nobo posiblemente dialuna. "Mi ta spera cu e conferencia aki ta yuda trece claridad riba e caso" Croes a bisa, den forma di cu OM lo por reacciona y duna nan mas informacion releventa di e caso.
ORANJESTAD - E siman aki oficina di turismo di Aruba a anuncia e 5 ganadornan di e prome session di e progama Aruba Signature Experience pa 2024. Na aña 2021, Aruba Tourism Authority (A.T.A.) y Qredits Aruba a introduci e programa “Aruba Signature Experiences” cu e meta pa encurasha entrepreneurnan pa enfoca riba experiencia unico y inolvidabel pa nos bishitantenan.
ORANJESTAD - Dia 30 di maart ta Dia Internacional Cero Desperdicio (Zero Waste Day). E dia aki ta dedica pa eleva conscientisacion riba consumo y produccion responsabel y tambe na reduccion di desperdicio. Directie Natuur en Medio Ambiente (DNM) ta invita comunidad pa join nos den celebracion di e dia importante aki. Esaki ta e di dos biaha cu Nacionnan Uni (UN) ta observa e dia aki como cu ta na 2022 a tuma e decision pa e dia aki ta un dia observa internacionalmente. E
ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko.
ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.