Cicely vd Dijs: Mi no a haci nada malo, mi consenshi ta limpi

Cicely vd Dijs: Mi no a haci nada malo, mi consenshi ta limpi

Posted on 06/21/2017 11:28 am AST | Updated on 06/22/2017 3:10 pm AST

WILLEMSTAD - "Mi no a haci nada malo, mi consenshi ta limpi y mi ta drumi bon anochi". Palabra di Cicely vd Dijs, partner di ex prome minister di Corsou Gerrit Schotte den un entrevista exclusivo pa NoticiaCla. Siman pasa a trata e caso di apelacion (Babel) pa wak si por absolve nan dos di e loke nan ta wordo sospecha di dje, entre nan fraude, falsificacion di documento y labamento di placa.  Vd Dijs ta hopi satisfecho cu e trabou cu e abogadonan a haci den e caso di apelacion Babel recientemente. "Nos a onderbouw tur loke nan (OM) a trece dilanti, cu ta 5 rapport di experto. Entre nan e forensico independiente. A indica unda cu tur cen a bay y cu esaki ta implica cu no tabatin 'labamento di placa'. "Den e sentido ey nos ta hopi contento. Mes momento e ta lamenta desicion di huesnan pa no scucha un testigo fiscal italiano (Pelicano)" vd Dijs a bisa.

TA HACI TUR COS PA CERA VD DIJS Y SCHOTTE PASE LOKE PASE

E hecho cu OM ta haciendo tur posibel pa cera tanto e como su partner Gerrit Schotte, a resalta durante e caso. Sigur ora cu durante e apelacion, a pidi pa detene Schotte asina cu e veredicto cay. "E ta duro pa bo scucha algo asina. E ta bolbe subraya e sentimento cu bo tin cu ta costa loke costa kier sera nos" vd Dijs a bisa. Remarcabel segun e, ta cu durante 3 dia OM por a haci tur pregunta cu nan kier a haci, pero a abstene nan mes di esey. "Nan no a bin cu nada nobo". 

UNDA CU TIN HUMA, TIN CANDELA

E hecho cu vd Dijs ta wordo acusa di cosnan hopi pisa (labamento di placa, valsheid in geschrifte etc) ta pone hende pensa cu 'unda cu tin huma, tin candela'. Ta dificil pa hopi hende pensa cu vd Dijs y Schotte no a haci algo. Y como tal segun OM, nan (Schotte y vd Dijs) mester a haci algo, pa nan (OM) ta nan tras dje forma ey. Ora cu a confronta vd Dijs cu esaki, ela desmenti e ponencia. "Nos a duna openheid van zaken, nos a papia absolutamente tur cos con a bay, locual nos no a haci den prome aanleg. Nos tabata habri pa duna tur pregunta" vd Dijs a bisa. Como tal e no ta kere den e pensamento 'unda cu tin huma, mester tin candela'. 

ESCOHO DI ABOGADO HULANDES

Tabatin critica pa e hecho cu Schotte y vd Dijs e biaha aki (contrario na e prome caso) a usa abogadonan (renombra Gert Jan Knoops y su casa) Hulandes pa defende nan, siendo cu den pasado recien nan lo a bisa cu 'macamba' ta purba colonisa nos atrobe, y no tin bon palabra pa Hulandes. Pero vd Dijs ta desmenti esey tambe. "Ningun momento nos no a bisa cu nos tin rabia riba Hulandes. Ningun momento Gerrit a bisa esey tampoco" vd Dijs ta sigura e portal aki. Loke, segun vd Dijs, a wordo bisa si, ta cu e ta contra gobernacion of politica Hulandes, e manera cu nan a bin ta opera pa cu Corsou y tambe cu cada bes ora cu tin p.e. inval na cas, ta Hulandes ta den bo cas."Cada bes ta como si fuera ta Den Haag tin un vinger in de pap" vd Dijs a bisa. Fuera di esey nan nan (vd Dijs) ta sigura cu nan ta incapaz di generalisa tur hende. "No ta e manera cu nos ta". 

BAY ALL TE WAY TE FINAL

VD Dijs a sigura e portal aki cu nan ta bay all the way. Esaki den sentido cu si nan mester perde e caso otro luna, nan ta sigui lucha te final, esta cassatie. "Nos ta bay all the way, nos ta bay cassatie mesora" vd Dijs a bisa sin reserva. 

LO CAMBIA ALGO CU A HACI DEN PASADO

A puntra  vd Dijs si mirando tur loke a sosode, si e lo cambia algo cu e la haci den pasado. "Ora cu bo haci e pregunta ey, si mi bisa cu mi lo cambia algo, e lo parce como si mi a haci algo robez of ilegal" vd Dijs a cuminsa na bisa. "Mi kier subraya cu esey sigur cu no. Cosnan lo a bay mescos cu mi lo a haci nan pasobra mi sa cu mi no a haci nada robes", vd Dijs a sigui bisa. Loke si ta den bida, cu e ta siña un les cu e lo a haci cos un poco diferente. Pero cu si e lo a cambia e resultado, esey no. "Mi por bisa cabes na laira cu nos no a haci nada robes" e ta sigui bisa. 

PREPARA PA SINTA CASTIGO DI PRISON

Manera ta conoci tanto vd Dijs como Schotte a sinta (aunke breve) den prizon algun tempo atras caba. Y awor cada un di nan tin un castigo di prizon ta colga riba nan cabes. E pregunta ta si vd Dijs ta cla pa bolbe bay prison. "Den e ultimo dia (di caso di apelacion) nos tabatin nos slot woord cu tabata hopi emocional pami. E detencion aunke e tabata breve manera bo a bisa, e tabata un impacto masha masha grandi riba bo. Un hende cu no a pasa aden, no por compronde loke bo ta papia di dje" vd Dijs a sigui bisa. E ta dificil pa splica tambe. "Ta hopi emocion, rabia, verdriet, dolor. Ta masha emocion ta hunga un rol. Fo'i dia esey a pasa na 2014, eigenlijk bo ta biba cu e cos ey tur dia" vd Dijs a sigui bisa. Ta yega un momento cu bo kier pa e caso bin dilanti pasobra bo kier get it over with. "Na mes momento bo ta pensa, pero imaginabo bo bay cera atrobe!" vd Dijs a bisa. E no ta kere cu ta algo cu bo por prepara bo mes pe nunca. "Ami ta hopi positivo cu ami cu Gerrit lo sali bon di esaki" vd Dijs a bisa. 

CONSENSHI TA LIMPI Y TA BIBA TRANKIL?

E dicho ta cu si bo consenshi ta limpi, bo ta drumi trankil anochi y bo ta biba trankil. A puntra vd Dijs consecuentemente, si e ta drumi trankil anochi y biba trankil. "Mi ta biba trankil den sentido cu ami sa kico mi a haci of lagi haci. Mi sa cu mi no a haci nada robes. Mi ta biba intrankil door di e inhusticia y e sentimento di inseguridad cu ta reina cerca nos" vd Dijs a bisa. "Pero mi consenshi ta limpi y mi ta drumi hopi bon anochi". A puntra vd Dijs, cu si combersa cu ne atrobe aki 6 luna, den ki situacion e lo ta, el a bisa hopi corto:"Hopi contento y cu vrijspraak". Scucha e entrevista completo AKI

  • Epidemioplogo ta confirma: Te ainda den aña 2024 tres persona a fayece di dengue na Corsou

    Epidemioplogo ta confirma: Te ainda den aña 2024 tres persona a fayece di dengue na Corsou

    WILLEMSTAD - Na Kòrsou tres persona ku dengue a fayesé e aña aki. Fuera di esaki, aktualmente tin mas o ménos binti persona interná den CMC. E víktimanan mortal no ta hende grandi. Segun e departamento di epidemiologia, ta trata di hendenan den nan trinta i kuarenta aña.

  • Na Corsou, Zita Jesus Leito a bandona partido PAR y bira parlamentario independiente

    Na Corsou, Zita Jesus Leito a bandona partido PAR y bira parlamentario independiente

    WILLEMSTAD – Na Corsou diaranson anochi, ex minister y awor ex  miembro di e partido geel na PAR, Zita Jesus Leito a informa e partido oficialmente cu e ta bira parlamentario independiente y ta bay cu su asiento (cu e la haya como miembro di partido PAR). Esaki a keda participa hunto cu lider di partido Quincy Girigorie durante un reunion di partijraad. 

  • Na Corsou ta cuminsa cobra pronto pa parkeer den centro di ciudad

    Na Corsou ta cuminsa cobra pronto pa parkeer den centro di ciudad

    WILLEMSTAD  –  Despues di kasi 2 aña ku DMO (Down Town Management)  i SKO (Sosiedat di Komersiantenan di Otrobanda) a gana destaho públiko pa por bai manehá parkermentu den sentro di siudat, ayera a yega asina leu ku minister Charles Cooper a anunsiá ku el a firma ku Willemstad Parkeerbeheer un akuerdo pa maneho di parkermentu den Punda i Otrobanda. Minister Cooper a indiká ku Willemstad Parkeerbeheer ta kombinashon di DMO i SKO. Willemstad Parkeer Beheer lo traha huntu ku Securitas BV i Flowbird SAS pa realisá esaki i ta spera di ta operashonal mas tardá den 5 luna.

  • Na Corsou, un 60% di e muchanan no tin dentadura saludabel

    Na Corsou, un 60% di e muchanan no tin dentadura saludabel

    WILLEMSTAD - Datonan preliminar ku tin na disposishon for di akshonnan den pasado ta indiká ku un 60% di muchanan aki na Kòrsou tin un dentadura ku no ta salú. Tin muchu hopi mucha i hóben ku tin djente ku buraku (caries) òf djente deformá, siendo ku nan lo por haña tratamentu pa esaki. Pero mester rekonosé tambe ku un dje problemanan fundamental ta e falta di informashon i konsientisashon. Muchu hopi hende no ta na altura ku tin un grupo di dentista registrá serka SVB, loke ta nifiká ku muchanan lo por bai kualke dentista registrá na SVB. Esei EXTRA por a komprondé durante un enkuentro ku prensa ayera ofresé pa e grupo di boluntario ku e aña aki lo bai lansa e di sinku edishon di “Un Smail pa Kòrsou”.

  • Wardacosta na Corsou a intercepta boto local transportando bestianan exotico

    Wardacosta na Corsou a intercepta boto local transportando bestianan exotico

    WILLEMSTAD – Den ora nan di djadumingu mardugá, radar di Wardakosta a tuma nota di un boto nabegando den direkshon di Kòrsou. Ta trata di un boto lokal. Un Metal Shark a sali den direkshon ost di Kòrsou pa asina kontrolá e boto. Na momento ku a subi pa kontrol, a tuma nota di 12 kaha ku bestia eksótiko aden. E bestianan no tabata tin e dokumentashon nesesario pa por drenta Kòrsou, ku konsekuensia ku a tuma nan den beslag i a kontaktá servisio veterinario pa asina tuma nan. A tuma tur data di e persona responsabel pa e merkansia i lo sigui ku e investigashon. NOTA: Texto ta scirbi den Papiamento fonetico di Corsou. 

  • Seleccion di futbol di Corsou ta gana su prome partido bou di entrenador Dick Advocaat

    Seleccion di futbol di Corsou ta gana su prome partido bou di entrenador Dick Advocaat

    ANTALYA - Ayera selekshon di Kòrsou pa promé biaha a hunga bou di direkshon di e entrenadó nobo Dick Advocaat. Esaki ora ku nan a topa ku e ekipo di Hull City. Esaki ta e promé di dos wega amistoso ku selekshon di Kòrsou lo efektuá na Turkia. Selekshon di Kòrsou a derotá Hull City ku skor di 1-0.

  • Powered by SETAR